141 पटक हेरिएको बुंगल नगरपालिका वडा नम्बर ११ पुतलिलेख डाँडामा आज बिहान जिप दुर्घटना भएको छ। बिहान साढे ४ बजेतिर बित्थडबाट हेिनगडातर्फ जाँदै गरेको से १ ज ९७८ नम्बरको जिप सडकबाट अन्दाजी ५० मिटर तल खसेको जिल्ला प्रहरी कार्यालय बझाङले जनाएको छ
दुर्घटनामा परी जिपमा सवार ३ जनामध्ये बुङगल नगरपालिका ११ की ३० वर्षीया गौमती देवी बोहरा घाइते भएकी छन्। उनको दाहिने हातमा चोट लागेको बताईएको छ ।
जिल्ला प्रहरी कार्यालयका अनुसार, रोकिराखेको अवस्थामा एक्कासी जिप ब्याक भएर दुर्घटना भएको प्रारम्भिक अनुसन्धानबाट खुलेको छ ।
घाइते बोहराको प्राथमिक स्वास्थ्य केन्द्र देउलेखमा सामान्य उपचारपछि थप उपचारका लागि जिल्ला अस्पताल डडेल्धुरा पठाइएको छ। प्रहरीले उनको अवस्था सामान्य रहेको बताउनुभयो ।
जिप चालक सोही ठाउँका ३५ वर्षीय सन्जु बोहरा रहेका छन्। दुर्घटनाबारे थप अनुसन्धान भइरहेको प्रहरीले जानकारी दिएको छ।
