2081 पटक हेरिएको बझाङ : बझाङमा जीप दुर्घटना भएको छ । जिल्लाको जयपृथ्वी नगरपालिका ११ भोपुरमा सोमबार बिहान १० बजे जीप दुर्घटना भएको हो ।
तलकोट गाउँपालिकाबाट सदरमुकाम चैनपुर आउँदै गरेको बा १८ च ५१४९ नम्बरको जीप दुर्घटना हुँदा चार जना घाइते भएका छन् । घाइते हुनेमा तलकोट १ का ५६ वर्षिय बिर बहादुर बम, सोहि ठाउँकी ४५ वर्षीया धनलक्ष्मी बम, जयपृथ्वी नगरपालिका ११ का १७ वर्षिय शंकर धामी र २५ वर्षिया विद्या बोहोरा रहेका छन् । जिपमा ७ जना यात्रु सवार रहेको जिल्ला प्रहरी कार्यालय बझाङले जनाएको छ ।
घाइतेको अहिले जिल्ला अस्पताल बझाङमा उपचार भइरहेको छ । सबैको अवस्था सामान्य रहेको र जीप दुर्घटनाको कारण नखुलेको प्रहरीले जनाएको छ । जीप सडकमै पल्टिएकाले थप क्षति हुनबाट जोगिएको छ ।
